بیر گون ورقله دیم گئنه غم داستانیمی
سالدیم خیاله غارت اولان گلستانیمی
باخدیم گوز آلتی قاشیوه بنذر بو قدیمه
بولدوم ایتیرمیشم اوجا بویلی جوانیمی
باخدیم سنه دئشلدی دوباره اورک یارام
یاندیم ولی اوجاتمادیم آه و فغانیمی
من ایستدیم کی حالیمی اغیار بولمسین
یاندی اورک کوزردی آلوبدی توانیمی
هر آتدیمی او کوچه لرون سری وار منه
چوخدان نشان گزور تاپا اول بی نشانیمی
بیر گون خزان گلوب گولومی ایلدی تاراج
حسرتده قویدی عومر بویی باغبانیمی
ال چک دئدیم فلک منی یوردی بو غصه لر
چوخداندی یاره پایلامشام نقد جانیمی
سنسیز منه حرام اولا جنت نه فایداسی
دولدورماسا محبت و مهرون جنانیمی
افسوس سولدی عشق گولی غنچه چاقیده
محکوم ایدوب فنایه منیم توکدی قانیمی
درباره این سایت