یئنه غمخانه كیمین دیر منه دونیا گئجه لر
سن كی یوخسان گؤره سن گؤزلری دریا گئجه لر
بیر قارانلیق كوچه دیر ، بیر باجادیر ، بیرده منم
كیم بیله ر دردیمیزی همشه، یلدا گئجه لر
گؤزلیم گؤزلرینی اولدوز ائله گؤزلریمه
بلكه اولسون یوخومون كابوسی ، رؤیا گئجه لر
سن گئدندن سورا بیر بوغضدی سالیب درده منی
گوزیاشیمدان ائله دیم دردی مداوا گئجه لر
اوره ك اولدی پارالی ، گؤزلریم اولدی یارالی
یارادا هریارایا ائتدی مدارا گئجه لر
من پلنگ لر كیمینیدیم آیین اون دورد گئجه سی
آیی اوخشاتدی سنه ائتدی تماشا گئجه لر
سئوگی نین معناسینی گئزمه اوره کلرده کی من
ائتمیشم صبحه قدر سئوگینی معنا گئجه لر
درباره این سایت