تنگ اولور باشیما تك لیك ساری، عا لم گئجه لر
بیر نفر اولمادی منله اولا همدم گئجه لر
عشقه بیگانه اولانلار نه بیلیر كیم نه چكیر
چكمه سین من چكنی اهل جهنم گئجه لر
بیر منم _ بیر بو قلم ، بیرده بو ویرانه كونول
اوچوموزده گلیریك ناله یه باهم گئجه لر
كیمسه بیلمز اورگیم سیررینی دونیادا منیم
یاز قلم دورما كی سنسن منه محرم گئجه لر
یارالی كونلومه كوندور وورولان یاره لره
مهربان یار الی ایستر قویا مرهم گئجه لر
نه وئرر گوندوزو مهلت منه هیجران ستمی
نه قویار باش یئره بیر لحظه قویام غم گئجه لر
عشقینه صادق اولان جهدیله همت كمرین
درد و غم چكمه یه باغلار بئله محكم گئجه لر
منده مجنون كیمی زنجیریده گوررم اوزومو
اوندا كی زولفون اولار گوزده مجسم گئجه لر
من چكن غم یوكونو بیر گئجه چرخین بئلینه
قویسالار، پشت فلك غمدن اولار خم گئجه لر
پرده لی قویدو سوزون "بارز"ه فاش ائیله مه دی
سرَلر اورتویو بو قورخولو مبهم گئجه لر
گئجه ,بو ,غم ,بیر ,كی ,قلم ,گئجه لربیر ,تنگ اولور ,بئله محكم ,محكم گئجه ,باغلار بئله
درباره این سایت